పరమాత్మ స్వరూపము!

[శ్రీ టీ.పీ.కే.ఆచార్యులవా రడిగిన తైత్తిరీయోపనిషత్తులోని శిక్షావల్లియందలి

"యశ్ఛందసాం ఋషభో విశ్వరూపః " అనెడి మంత్రమును నేను సీసపద్యమున ననువదించి

వ్రాసితిని]

సీ.

ఎవఁడు వేదములలో ♦ నేకమౌ సారభూ

.....తమొ ప్రధానమ్మొ త♦త్సర్వరూపి;

ప్రణవామృత స్వరూ♦పమ్మైన వేదప్ర

.....కాశ శక్తుఁడగు నోం♦కార రూపి;

పరమేశుఁడే నాకుఁ ♦ బఱఁగ నాత్మజ్ఞాన

.....ధారణాంచిత ప్రజ్ఞ ♦ దక్షత లిడి;

నన్ బలపఱచుచో ♦ నతుల బ్రహ్మజ్ఞాన

.....సంపత్కరుండనై ♦ స్వయముగాను

గీ.

తనువు యోగ్యమ్మునై రస♦ననుఁ గన మృదు

మధుర భాషితయై శ్రోత్ర ♦ మధికముగను

వినికి గలదియై భాసిల్లి ♦ వెలిఁగిపోవఁ

బ్రణవమా నాదు విద్యనుఁ ♦ బరిఢవిలుము!

*శుభం భూయాత్*